Maj Gen Alex KAGAME ni Umugaba w’Ingabo z’u Rwanda z’Inkeragutabara. Maj Gen Alex KAGAME afite uburambe mu kuyobora ingabo n’imitwe ya gisirikare haba mu bihe by’amahoro no mu bihe by’intambara. Yabaye Umuyobozi mukuru w’Inzego z’umutekano z’u Rwanda muri Mozambique, yayoboye Diviziyo ndetse yanayoboye Ingabo zishinzwe kurinda Umukuru w’Igihugu n’abandi bayobozi bagenwa n’itegeko.

Maj Gen Alex KAGAME yitabiriye amahugurwa atandukanye ya gisirikare, arimo ayo yasoreje muri Kaminuza Nkuru ya Gisirikare y’u Bushinwa, no mu Ishuri Rikuru rya Gisirikare rya Karen muri Kenya. 

Maj Gen Alex KAGAME afite Impamyabumenyi y’icyiciro cya gatatu cya Kaminuza mu bijyanye n’umutekano, yakuye muri Kaminuza Nkuru ya Gisirikare y’u Bushinwa, n’Impamyabumenyi yakuye mu Ishuri Rikuru rya Gisirikare rya Karen, Kenya.