IRUSHANWA RY’IMIKINO IHUZA AMAKIPE YO MU NGABO Z’U RWANDA RYATANGIJWE

Kigali, 18 Ugushyingo 2025

Ingabo z’u Rwanda  uyu munsi zatangije ku mugaragaro amarushanwa y’imikino ihuza abasirikare y’umwaka wa 2025–2026.

Iri rushanwa ririmo imikino itandukanye irimo umupira w’amaguru, basketball, volleyball, handball, netball, imikino ngororamubiri hamwe no kurasa.

Amakipe 19 ni yo yitabiriye iri rushanwa riteguwe mu buryo bwa shampiyona aho amakipe agabanyijemo amatsinda ane. Amakipe abiri ya mbere muri buri tsinda azazamuka mu cyiciro gikurikiyeho cy’irushanwa.

Mu gutangiza iri rushanwa, abayobozi b’Ingabo bari ku bibuga bitandukanye mu gihugu, bavuze ko iyi mikino igamije guteza imbere siporo mu ngabo z’igihugu, abafite ubusabane, kubaka ubuzima buzira umuze bw’umusirikare uhora yiteguye gukora akazi ke, ndetse no gufasha mu kumenya abafite impano zitandukanye mu mikino.
Dore uko amakipe yatsindanye mu mikino yabaye uyu munsi:
Umupira w’amaguru
•    Logistics Brigade vs Ishuri rya gisirikare Gabiro (2–1)
•     Diviziyo ya Mechanized vs Diviziyo ya Mbere (2–1)
•    Ishuri rya Gisirikare rya Gako vs Ishami ry’Iperereza mu Ngabo (1–0)
•    Diviziyo ya Kabiri vs Ingabo zirwanira mu Kirere (3–1)
•    Special Operations Force vs Engineer Command (1–0)
•    Military Police Brigade vs Diviziyo ya Gatanu (1–0)
•    Diviziyo ya Kane vs Diviziyo ya Task Force (3–0)
•    Ishuri rya Gisirikare rya Nasho vs Diviziyo ya Artillery (4–0)
Basketball
•    Special Operations Force vs Engineer Command (62–42)
Volleyball
•    Ishuri rya Gisirikare rya Nasho vs Diviziyo ya Artillery (3–1)
•     Diviziyo ya Task Force vs Diviziyo ya Kane (3–0)